منتديات كوردات
نعمة وسلام ربنا يسوع المسيح ،

عزيزي الزائر لا تكتفي بالمشاهدة والرحيل بل إنضم إلينا في منتدى العازفين المسيحيين العرب.

لتتمكن من المشاركة الإيجابية انقر على زر التسجيل للإشتراك المجاني بالمنتدى. إذا كان لديك حساباً فانقر على زر الدخول لتتمكن من الكتابة في المنتدى.

الرب يبارك حياتك

من وحي قصة السامرية

اذهب الى الأسفل

من وحي قصة السامرية

مُساهمة من طرف jassy في الخميس فبراير 21, 2008 8:20 pm

وأنا ماشية في ظلام الليل
ماسكة في أيدي الجرة الفاضية
راجل ما كانش سنه كبير
قال لي اديني أشرب ميه


استعجبت ساعتها و قلت
و الدهشة باينة في عينيه
أزاي تطلب أديك تشرب
و أنت يهودي و أنا سامرية
بيننا عداوة شديدة قوية؟


قال لو تعرفي ليه أنا جي
كنت أديك الماء الحي


رديت عليه من بعد شرود
هو أنت أعظم من يعقوب؟
ده كلام كثير عنه مكتوب
طب كنت قول لي نسجد فين؟
بتقولوا أنتم في أورشليم


قال لي أصلكم مانتوش عارفين
ليه تسجدوا و بتعبدوا مين؟
ألهنا عايز الساجدين
بروح و حق يقولوا أمين


روحي ادعي زوجك
قلت ماليش

قال لي في ديه مكذبتيش
كان لك خمسة و صبحوا مفيش
و في الخطية القلب يعيش


قلت له أنا شايفاك نبي
من كل حاجة حكيتها ليّ
و قبل ما تقول لي اذهبي
هو صحيح أنت المسيا؟


بكل قوة قال أنا هو

بسرعة في الشارع جريت
و بأعلى صوت على الناس ناديت
تعالوا شوفوا أنا لقيت
أنسان حكى لي ما جنيت


قالوا خلاص أحنا امنا
من كل ما شفناه بعيوننا


بقيت أنا مخلوقة ثانية
بعيش لربي في كل ثانية
avatar
jassy

عدد الرسائل : 114
العمر : 32
تاريخ التسجيل : 09/02/2008

http://jassyousri.multiply.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى